2 Lady drug pusher bokya sa P374-K ilegal na droga

BOKYA sa pagpasok ng Bagong Taon ang dalawang babaeng nahuli ng mga elemento ng Parañaque Police nang makompiskahan ng ilegal na droga, nagkakahalaga ng P374,000 sa Barangay San Antonio, Parañaque City.

Kinilala ni Southern Police District (SPD) Director P/BGen. Kirby John Kraft ang mga suspek na sina Lanie Kusain, 22 anyos, at Sophia Andatun, 23.

Ayon sa ulat, isinagawa ang buy-bust operation ng Parañaque City Police Station, kasama ang mga tauhan ng BF Homes Police Substation laban sa mga suspek sa Headline St., Fourth Estate Subd., Brgy. San Antonio, Paranaque dakong 3:25 pm, 1 Enero ng kapapasok na taon.

Isang buyer ang nakabili ng P7,000 halaga ng hinihinalang shabu gamit ang boodle money at isang genuine P1,000 bill at doon inaresto ang mga suspek. Sa kabuuan, nasamsam ang nasa 55 gramo ng shabu na nagkakahalaga ng P374,000.

Nakapiit ang mga suspek na nahaharap sa reklamong paglabag sa Sections 5 at 11 ng Republic Act 9165 (Comprehensive Dangerous Drugs Act of 2002). (GINA GARCIA)