HATAW! D'yaryo ng Bayan hatawtabloid.com
INIHAYAG ng Department of Foreign Affairs (DFA) na walang nadamay na Filipino sa 5.6 magnitude na lindol sa West Java, Indonesia.
Ayon ito sa ulat na natanggap ng ahensiya mula sa Philippine Embassy sa Indonesia.
Ayon kay DFA Spokesperson Assistant Secretary Ma. Teresita Daza, nasa 460 Pinoy ang naninirahan sa West Java.
Tinatayang 6,700 ang kabuuang bilang ng mga Filipino sa Indonesia.
Sa pinakahuling ulat ng Indonesian authorities, mahigit 160 katao ang namatay habang daan-daan ang sugatan dahil sa lindol sa West Java.
Nasa 2,000 bahay ang nasira ng lindol habang 13,000 katao ang nananatili sa evacuation centers. (GINA GARCIA)
