Sa Lumban, Laguna <br> MAG-AMA TIMBOG SA DROGA

ARESTADO ang dalawang lalaking napag-alamang mag-ama, sa ikinasang anti-drug buy-bust operation ng mga awtoridad sa Brgy. Salac, bayan ng Lumban, lalawigan ng Laguna, nitong Sabado ng hapon, 20 Nobyembre.

Kinilala ni P/Col. Randy Glenn Silvio, Provincial director ng Laguna PPO, ang mag-amang suspek na sina Hector at Neil Llamanzares, nadakip sa isinagawang operasyon ng mga tauhan ng Lumban MPS dakong 5:25 pm kamakalawa.

Narekober mula sa mga suspek ang pitong sachet ng hinihinalang shabu, may timbang na 0.20 gramo at tinatayang nagkakahalaga ng P3,500; P500 buy-bust money; isang itim na coin purse: P500 drug money; at isang cellphone.

Kasalukuyang nakapiit ang mga suspek sa Lumban MPS custodial facility at nakatakdang sampahan ng kasong paglabag sa RA 9165 o Comprehensive Dangerous Drugs Act of 2002. (BOY PALATINO)