Pagbalik ng NCAP fake news – MMDA

KINOMPIRMA ng Metropolitan Manila Development Authority (MMDA) na fake news ang kumakalat na mensahe sa social media tungkol sa muling pagpapatupad ng No Contact Apprehension Policy (NCAP) simula Nobyembre 15.

Ayon sa MMDA ang operasyon ng NCAP ay sinuspende ng ahensiya nitong Agosto kasunod ng pagpapalabas ng temporary restraining order (TRO) ng Supreme Court.

Panawagan ng MMDA sa publiko, huwag basta maniwala sa mga natatanggap na mensahe ukol sa muling pagpapatupad ng NCAP.

Aniya, pinakamabuting gawin ay alamin muna ang pinanggalingan ng impormasyon o iberipika mula sa mga lehitimong sources.

Maaari rin tumawag sa MMDA Hotline 136 o magpadala ng mensahe sa MMDA Facebook, Twitter, at Instagram para sa mga katanungan. (GINA GARCIA)