Diego na-on the spot ni Franki: mahal mo ba ako?

SHOWBIZ KONEK
ni Maricris Valdez Nicasio

MATAPANG at palaban. Ito si Franki Russel sa una niyang pelikula sa Vivamax, ang Pabuya katambal ang napapabalitang karelasyon na si Diego Loyzaga.

Aminado si Franki na kailangan pa niyang pagbutihing mabuti ang pag-aaral niya ng Tagalog. Hindi ito ang unang karanasan sa pag-arte ni Franki, una siyang nakapasok sa Ang Probinsyano pagkatapos ng paninirahan niya sa Bahay ni Kuya sa Pinoy Big Brother noong 2019.  Noong Oktubre 2021, ang half-Pinay, half-New Zealander na ito ang naging kauna-unahang kinatawan ng Pilipinas sa first-ever Miss Universe pageant sa United Arab Emirates.  

Kaabang-abang ang tambalan nila ni Diego Loyzaga. Kitang-kitang may chemistry sila at aminado si Franki na iba ang pakiramdam niya nang mapanood sa big screen ang kanilang pelikula matapos ang private screening na isinagawa noong Miyerkoles ng gabi.

“I felt like, iba ‘yung pakiramdam, I really felt the emotions so, I was really felt nostalgic. So, to reminisce I felt real. So I hope you guys felt that,” ani Franki nang matanong ukol sa pagsasama nila at first time napanood sa big screen.

“It was fun working with Franki. She’s different on the set and the working environment and I really enjoyed how she unraveled and how she consumed the set with her liveliness and watching it again on the big screen it gives me a flashback when I was with her, when she was afraid, comfortable with,” sambit naman ni Diego.

Napuri naman ng ilan ang ganda ni Franki sa screen maliban lamang sa talagang may accent pa ang pagsasalita nito ng Tagalog na maiintindihan naman dahil taga-New Zealand siya. Pero at least mabilis siyang natutong magsalita ng ating lengguwahe.

Maraming sexy scenes sina Franki at Diego at nakamamangha ang tapang ng beauty queen para magpakita ng kahubdan. Talagang palaban din siya at hindi nagpahuli sa ibang kasama niya sa pelikula na si Jela Cuenca. Kaya sa mga susunod niyang project tulad ng Laruan tiyak na mas daring na Franki ang ating mapapanood.

Natanong naman si Franki kung ano ang value ni Diego sa kanya. Sagot ng dalaga, “Diego has a big spot in my heart, dito sa puso ko. He’s someone na I trust him specially sa mga advise n’ya kasi sobrang experience siya sa industry natin. Genuine siya. And I know he cares about me the way I care about him and I’m very lucky that he’s my first leading man sa first movie ko sa Viva. I’ very grateful for you, Diego.”

Reaksiyon naman ni Diego, “It’s pretty well known because we’re public when we are dating so it’s obvious that Franki and I share a deep relationship and I promise to her when I first met her that I’ll be that one guy na I’ll be a true friend for you in this industry and nothing in return. I’m offering a friendship here. Our friendship is also see on this film.”

Sinabi pa ni Franki na, “I care about you Diego, mahal mo ba ako? Miss na kita eh, and we look good together.”

Kasama rin sa pelikula sina Felix Roco, Jiad Arroyo, Marco Gomez at idinirehe ni Philip Giordano. Mapapanood ito simula ngayong araw, October 7 sa Vivamax.