HATAW! D'yaryo ng Bayan hatawtabloid.com
SHOWBIZ KONEK
ni Maricris Valdez Nicasio
KAPURI-PURI ang galing ng isa sa bida ng Two And One ng Vivamax at IdeaFirst na si Miggy Jimenez na ginagampanan ang karakter ni Tino na bagama’t open sa kanyang kasarian may sariling problema sa kanyang mga magulang na miyembro rin ng LGBTQIA.
Nahusayan kami kay Miggy na dati pa lang child star na host ng kiddie show na Tropang Potchi sa GMA-7 na binigyang pagkilala sa galing mag-host ng Star Awards noon
Bumida na rin si Miggy sa action TV series na Panday Kids at nakasama sa horror movie ni Richard Gutierrez, ang Patient X.
Lumabas din siya sa Gameboys The Movie at Gameboy 2.
Bagamat kinilala na ang galing sa pag-arte hindi nagdadalawang-isip na tumanggap si Miggy ng mga sobrang pa-sexy o iyong BL movie dahil katwiran niya pag-arte at trabaho pa rin ang mga ito.
At dito nga sa Two And One pasabog ang sex scenes at drama moments ni Miggy kasama sina Paolo Pangilinanat Cedrick Juan na hindi rin nagpahuli at lumaban sa aktingan. Ito ay isinulat ni Ash Malanum at idinirehe ni Ivan Andrew Payawal na siya ring nasa likod ng hit romcom online series na Gameboys.
Marami ang nagkagusto sa Two And One at sinasabing isa sa magandang nagawa ni direk Ivan dahil kapani-paniwala ang pagkakagawa at pagkakabuo ng pelikula dahil balanse ang mga nakagugulat na love scenes ng tatlong bida at ang madadrama nilang eksena.
Tiyak kaming marami ang magugulat sa threesome nina Miggy, Paolo bilang Chan, at Cedrick bilang Joaquin, dahil talagang wala silang kiyeme churvahan.
Tiyak ding mapapansin ng ilang award-giving body ang galing ni Miggy sa movie at pwede siyang ma-nominate at manalong best actor.
Streaming na ito sa Vivamax Plus.
