Ruru at Bianca umamin na

SHOWBIZ KONEK
ni Maricris Valdez Nicasio

MARAMI ang kinilig kina Ruru Madrid at Bianca Umali sa katatapos na Beautederm mall show sa Ayala Mall Cloverleaf noong Linggo na bagamat hindi direktang umamin sa kanilang relasyon ay ibinuking naman nila ang kanilang saloobin sa isa’t isa. 

Magiliw ang naging pagtanggap ng sangkaterbang nanood sa Beautederm’s mall show kina Ruru at Bianca at talagang namang hindi rin magkamayaw ang kanilang fans lalo na nang ipakilala ni Bianca si Ruru. 

Ani Bianca, “Eto ang talagang may-ari ng puso ko, laging sumusundo sa akin, ang nag-iisang lalaki sa buhay ko, let us all welcome, Lokong, Ruru Madrid!”

Hiyawan ang mga nanonood at tila naging wild ang audience sa ‘di man direkta eh tila pag-amin na nagkakamabutihan nga ang dalawa. Kaya naman kilig overload nang mga oras na iyon.

At lalo pang nagkagulo nang sabihin naman ni Ruru ang, “Siya naman ang nag-iisang babae sa puso ko.”

Bukod kina Ruru at Bianca na nagpasaya at nagpakilig, bongga rin ang sing and dance number nina Jelai Andres at Buboy Villar na parang ang daming gustong himatayin nang tawagin ang dalawa. Bongga rin si JC Santos na first time naming mapanood na kumakanta at sumasayaw. Ang cute sa totoo lang.

At pwede nang magprodyus ng isang concert si Ms. Rhea Anicoche-Tan ,CEO at presidente ng Beautederm, sa Araneta dahil sa ganda ng show. Ang galing-galing mag-show kapwa nina Boobay at Maria Laroco.

Congratulations kay Ms Rhea dahil napakaganda ng show. Marami na namang napasaya ang Beautederm.