Janelle Tee ikinompara ni direk Joey kay Ana Capri

SHOWBIZ KONEK
ni Maricris Valdez Nicasio

HINDI naman nakapagtataka kung malaki ang paghanga ng award-winning veteran director na si Joey Reyes sa isa sa bida ng kanyang pelikulang An/Na, si Janelle Tee.

Bukod sa pagiging palaban at walang inuurungan si Janelle matalino rin ito. Kaya nga naniniwala ang batikang direktor na malayo ang mararating ng sexy star at dating beauty queen sa showbiz industry dahil sa pagiging professional nito at taglay na talento sa pag-arte.

Bago ang An/Na nakatrabaho na ni direk Joey si Janelle sa Secrets at dito pa lang ay kinakitaan na niya ng propesyonalismo, galing, at talino ang aktres. Sa bagong Vivamax crime series gumaganap si Janelle bilang si Anna Clemente.  

Sa isinagawang mediacon, natanong ang direktor ukol kay Janelle at wala itong kagatol-gatol na sinabing nakikita niya sa kanyang bidang aktres ang premyadong sexy actress na si Ana Capri at sinabi pang “thinking actress” si Janelle.

“Ana Capri was not only sexy but she is qualified as a good actress, a very good actress. And I think what made Ana very different from the rest of her generation was that she was a thinking actress.

“In other words, she was not going to take off her clothes and then think that that is a performance. For her, she was using her body to express a character,” ani Direk Joey.

Sinabi pa ni direk Joey na, “Nangangahulugan na she can do so much more than what is being ask from her now. And I really hope she will be given the opportunity to go beyond what she is doing now.

“I love Janelle. She will last because she can do so many things, she is versatille, from beauty queen to now, actress. She got what it takes,” sambit pa ng direktor.

Ang An/Na ay ukol sa isang simpleng empleado ng iba’t ibang produkto ang ibinebenta, hindi nga lang sapat ang kinikita nito para tustusan ang kanyang pangangailangan. Tumutulong siya sa pamilya ngunit hindi nakababayad ng tama sa kanyang upa. Mapipilitan siyang maghanap ng “easy money” at ito ay ang pagpasok sa prostitusyon. Sa pagsiping niya sa iba’t ibang lalaki, paano nila maaapektuhan ang buhay ni Anna? May patutunguhan pa kaya ang relasyon niya sa kanyang long distance boyfriend na si Guido (Greg Hawkins)?

Kasama rin sa pelikula sina Guji Lorenzana, Rob Guinto, Fabio Ide, Micaella Raz, CJ Jaravata, Axel Torres, Azi Acosta, at Clara del Rosario. Mapapanood na ito sa Vivamax simula sa September 25.