HATAW! D'yaryo ng Bayan hatawtabloid.com
TINIYAK ng Department of Education (DepEd), 92% ng teaching at non-teaching personnel na sasabak sa face-to-face classes ngayong araw ng Lunes, 22 Agosto, ang kompleto na sa primary vaccine series laban sa Covid-19.
Gayonman, ipinahayag ni Atty. Michael Poa, tagapagsalita ng DepEd, ipatutupad pa rin ang “No Discrimination Policy” sa mga eskuwelahan at papahintulutan ang mga guro at estudyante sa face-to-face classes kahit ano pa umano ang kaninlang vaccination status.
Sa datos ng Kagawaran, 92% ng mga teaching at non-teaching personnel ang fully vaccinated.
Bukod dito, kukuha rin ng datos ang DepEd kung ilan sa mga guro at school personnel ang nakatanggap ng booster doses.
Samantala, nauna nang inianunsiyo ni DepEd Usec. Atty. Revsee Edcobedo na maaaring makapagturo sa face-to-face classes ang mga gurong hindi bakunado. (EDWIN MORENO)
