HATAW! D'yaryo ng Bayan hatawtabloid.com
NAARESTO ng mga awtoridad ang top 6 regional most wanted person ng Central Luzon sa inilatag na manhunt operation sa Purok 4, Jesus St., Brgy. Pulungbulu, Angeles City, Pampanga kamakalawa.
Kinilala ni Region 3 top cop BGen. Cesar Pasiwen, ang arestadong si Seferino Quiambao Jr., 26 anyos, residente sa Purok 7 Palat, Porac, Pampanga.
Si Quiambao ay inaresto ng magkasanib na mga elemento ng CIT-Angeles RIU3 (lead unit) na pinamumunuan ni Major Cherry P. Tirasol, RIDMB3, PHPT Angeles, TSD/IG, CIDG/CFU Angeles, CIU/ACPO at CIDMU/ACPO sa ilalim ng superbisyon ni Major Agnes B. Nolasco, na nagsilbi ng warrant of arrest sa akusado para sa dalawang bilang ng kasong Rape, walang itinakdang piyansa.
Ayon kay B/Gen. Pasiwen, ang buong puwersa ng Central Luzon Police katuwang ang iba pang police units ay magpapatuloy sa pinaigting na kampanya upang mailagay ang masasamang elemento at mga pinaghahanap ng batas sa likod ng rehas na bakal upang panagutan ang mga ginawang krimen. (MICKA BAUTISTA)
