HATAW! D'yaryo ng Bayan hatawtabloid.com
NASUKOL ng mga awtoridad ang isang matandang lalaking may kasong panggagahasa sa inilatag na manhunt operation sa sa bayan ng Masinloc, lalawigan ng Zambales nitong Sabado, 13 Agosto.
Sa ulat na tinanggap ni PRO3 Regional Director P/BGen. Cesar Pasiwen, nagtulong-tulong ang mga elemento ng Masinloc MPS, PIU Zambales, 1st PMFC, 305th MC RMFB3, RID3 at PNP Maritime-Iba, na nagsagawa ng manhunt operation sa Brgy. Inhobol, sa naturang bayan.
Hindi nagawang manlaban nang tuluyang makorner ng mga awtoridad ang akusadong kinilalang si Inocencio Acosta, 64 anyos, nakatala bilang isa sa most wanted persons sa Masinloc, at residente sa nabanggit na barangay.
Inaresto si Acosta sa bisa ng warrant of arrest para sa anim na bilang ng kasong Statutory Rape, nilagdaan ni Presiding Judge Maribel Mariano-Beltran ng Iba RTC Branch 13-FC at walang itinakdang piyansa. (MICKA BAUTISTA)
