HATAW! D'yaryo ng Bayan hatawtabloid.com
SHOWBIZ KONEK
ni Maricris Valdez Nicasio
TULOY na tuloy na ang shooting ni Ria Atayde para sa bago niyang series na Ex Factor na makakasama niya sina Carlo Aquino at Jake Ejercito.
Sa pagbabalita ni Sylvia Sanchez sa pamamagitan ng kanyang Facebook at IG account, proud niyang ibinahagi ang isa sa apat na pelikulang ipoprodyus ng kanilang Nathan Studios.
Aniya sa caption ng picture nina Ria, Jake at Carlo, “Soon: EX-FACTOR series, written by @jekoaguado, directed by @bradliew, a Nathan Studios and Epicmedia production, topbilled by @ria, @jose_liwanag & @unoemilio. We can do this @biancabalbuena!”
Naikuwento na ito ni Sylvia sa amin nang minsang makatsikahan ito sa kanilang tahanan.
Ani Sylvia hindi muna siya gagawa ng teleserye at pelikula dahil gusto muna niyang harapin ang pagpo-prodyus.
Bukod sa Ex Factor, gagawin din nila ang Langit, Lupa, Impiyerno na pagbibidahan din ni Ria kasama sina Kokoy de Santos at Kyle Echarri.
