Dakila pinagkaguluhan ng netizens

I-FLEX
ni Jun Nardo

IPINARADA sa ilang lugar sa Metro Manila ang mala-higanteng buwaya na ginamit sa coming Kapuso adventure-serye na Lolong.

May souvenir shot ang bida ng series na si Ruru Madrid  ng 22-feet animatronic crocodile sa kanyang Instagram bago ito iparada.

Pinangalanang Dakila sa series ang buwaya na nilagyan ng caption ni Ruru ng,  “Dakila is the biggest animatronic prop of GMA to date, powered by pneumatic  (air compression) technology for its head and tail movements, body made entirely from silicone and fiber glass  to make it realistic.”

Nagkagulo at piktyuran ang mga tao nang gumala sa kanilang lugar si Dakila na matutunghayan na simula sa July 4 sa GMA Primetime kapalit ng First Lady.