Jean Kiley sa pagpapa-sexy — I’m ready but without nudity

SHOWBIZ KONEK
ni Maricris Valdez Nicasio

“I’M ready to be sexy.” Ito ang tinuran ng paboritong media conference host ng Viva Films na si Jean Kiley na kasama sa pelikulang Kitty K7 na pinagbibidahan ni Rose Van Ginkel at idinirehe ni Joy Aquino na mapapanood sa Vivamax. Pero bago ma-excite ang mga nakakikilala sa kanya, nilinaw ng dalaga na, “ready to be sexy but without nudity.”

Ginagampanan ni Jean ang best friend ni Rose Van sa Kitty K7. ”She’s a strong and modern woman but then, she has this certain value na may pagka-old school and believes na hindi dapat ginagawa ‘yung role particularly niyong bestfriend niya, ‘yun po ang paniniwala niya but she’s a modern woman kaya medyo conflicting po siya,” paliwanag ni Jean sa role na ginagampanan niya sa pelikula.

At dahil karamihan sa mga pelikulang naipalalabas sa Vivamax ay sexy natanong si Jean kung hanggang saan ang kaya niyang ipakita. 

“I’m ready to be sexy but there’s some limitations lang po,” sagot nito. “ I’m ready to be sexy without nudity. Can show skin but without nudity like private part po. I’m ready, I can play all roles po na sexy pero walang nudity lang,” paglilinaw pa ng dalaga.

Mapapanood ang Kitty K7 sa Vivamax sa July 8 na bukod kina Rose Van at Jean, kasama rin sina Marco Gallo na produced ng Project 8 para sa Viva Films.