HATAW! D'yaryo ng Bayan hatawtabloid.com
MA at PA
ni Rommel Placente
INIMBITAHAN namin si Kim Atienza noong May 29 sa aming birthday party. Pero hindi siya nakarating dahil sabi niya ay tinamaan siya ng COVID 19 at nagpapagaling.
Nakatutuwang malaman and thank God na naka-recover na siya sa nakamamatay na sakit. Sa kanyang Instagramaccount noong June 2 ay ibinalita niya na okey na nga ang kanyang kondisyon at ligtas na mula sa COVID 19.
Post ni Kuya Kim na may kalakip na video na nililip-sync niya ang kantang I Won’t Let Go by American country music group Rascal Flatts, “I am now 100 percent healed of covid. Thank you dear God for being there for me ALL the time.”
Ibinahagi rin ng sikat na TV host ang isang Bible verse na Psalm 91:2 sa kanyang post, na nagsasabing “I will say of the LORD, ‘He is my refuge and my fortress, my God, in whom I trust.’ Surely he will save you from the fowler’s snare and from the deadly pestilence.”
Maraming mga kaibigan ni Kuya Kim ang nag-comment sa kanyang post na nagsasabing happy sila na okey na at ligtas na ito sa COVID 19.
Sabi ni Geneva Cruz na unang nag-comment, “Yay! Im so happy! Ingat, friend! [emoji] @kuyakim_atienza!!!
Comment naman ni Ogie Alcasid, “Praise the Lord.”
“God is good!” sabi naman ni Arnold Clavio.
Ang comment naman ng celebrity mom na si Cheska Garcia ay, “Wonderful news! Good morning indeed!”
