HATAW! D'yaryo ng Bayan hatawtabloid.com
NIYANIG ng magkahiwalay na pagsabog ang parking area ng isang fastfood chain at isang bus terminal sa lungsod ng Isabela, lalawigan ng Basilan, nitong Lunes ng hapon, 30 May.
Ayon kay P/Col. Jun Sittin, hepe ng Isabela CPS, naiulat ang unang pagsabog sa parking area ng isang fast food chain dakong 5:33 pm.
Agad nabatid na faulty wiring ang dahilan ng pagsabog sa parking area ngunit nang tinitingnan ng mga awtoridad ang palibot ng fast food chain, naiulat ang isa pang naganap na pagsabog sa D’ Biel Bus Terminal sa Brgy. La Piedad, sa naturang lungsod.
Napag-alamang nagmula ang pagsabog sa likurang bahagi ng bus na kadarating lang mula sa lungsod ng Maynila.
Sa paunang mga ulat, iniabot ng hindi kilalang suspek ang Improvised Explosive Device (IED) sa loob ng kahon patungong Isabela.
Ayon sa imbestigasyon, naglalaman ang kahon ng bomba na sumabog ilang minuto.
Dahil sa pagsabog, napinsala ang likurang bahagi ng bus. (K. OROZCO)
