HATAW! D'yaryo ng Bayan hatawtabloid.com
SHOWBIZ KONEK
ni Maricris Valdez Nicasio
DREAM come true para kay Nadine Lustre na makatrabaho si Direk Yam Laranas. Kaya naman sa pagbabalik niya sa pag-arte makalipas ang halos tatlong taong pamamahinga, hindi itinago ng aktres ang excitement dahil ang direktor ang namahala bago niyang pelikula sa Viva Films, ang Greed.
Ang Greed ang comeback movie ni Nadine sa Viva Films katambal si Diego Loyzaga.
“Gustong-gusto ko ‘yung ‘Aurora’ ni Direk Yam. That’s one of my favorite films of Direk Yam. I know he likes thinking out of the box. He’s very adventurous with his scripts and his stories.
“When Boss Vic (del Rosario ng Viva) and Direk Yam pitched this ‘Greed’ project to me, sobrang na-excite ako. Ang saya ko rin. Finally, the project is no longer romantic-comedy or drama. Horror-thriller ang ‘Greed,’ so very exciting din for me,” lahad ni Nadine sa isinagawang virtual mediacon.
Inamin ni Nadine na medyo nanibago siya sa pagbabalik-pag-arte. ”Hindi ako humaharap sa camera, so there were times na nag-shoot kami lately, hindi ko na alam kung paano ako magpo-pose or mag-smile.
“Back to zero ang skills ko kasi nga, ang tagal kong hindi nagtrabaho. Nanibago ako. Although nag-music ako pero iba naman kasi ‘yung experience roon.
“Whenever I acted with Direk Yam for this film, ang feeling ko may kulang or may mali. Sobrang nakakapanibago. Eventually, natama ko with the help of Direk Yam and my co-actors,” kuwento pa ni Nadine.
Hindi naman siya nahirapang makipagtrabaho kay Diego kahit first time nilang magsama sa pelikula.
“Magkakilala na kami ni Diego, pero hindi naman kami close ever since. Rito lang sa ‘Greed’ talaga kami nakapag-bonding, naging friends pretty much and got to know each other better. He was super easy to work with.”
Proud si Nadine sa Greed dahil sa ganda ng kuwento, “Naisip ko sa sarili ko, this is really happening finally.
“Something that is not rom-com or not drama. It’s very bloody and violent. Walang censor si Direk Yam. He does everything and anything for art,” sabi pa ni Nadine na mapapanood ang Greed simula March 16 sa Vivamax Plus.
