MWP ng CALABARZON PNP timbog sa Victoria, Laguna

INIULAT ni Laguna PPO Acting Director P/Col. Rogarth Campo kay PRO4-A PNP Regional Director P/BGen. Antonio Yarra ang pagkakadakip sa pangsiyam na most wanted person sa regional level sa ikinasang manhunt operation nitong Lunes ng hapon, 21 Pebrero, sa Brgy. Nanhaya, bayan ng Victoria, lalawigan ng Laguna.

Kinilala ang target sa manhunt operation na si Erwin Aguilar, 33 anyos, residente sa Brgy. San Roque, sa naturang bayan, na nasakote sa bisa ng warrant of arrest na inisyu ni Presiding Judge Mary Jean Tibo Cajandab, Regional Trial Court Branch 26 ng Sta. Cruz, Laguna para sa kasong qualified statutory rape, walang inirekomendang piyansa.

Bahagi ang manhunt operation ng Simultaneous Anti Criminality Law Enforcement Operation (SACLEO), isang intel-driven at all-out police operation laban sa most wanted persons. (BOY PALATINO)