Pagbasura sa kaso ng online sabong operator sa Cabanatuan, kinondena ng NBI

NAGHAIN ng Motion for Reconsideration ang National Bureau of Investigation (NBI) matapos ibasura ni Nueva Ecija Provincial Prosecutor Efren Clint Mallare, Jr., ang kaso laban sa isang online sabong operator.

Ito, ayon kay NBI Agent Waldy Palattao, ay upang kuwestiyonin ang desisyon ng piskal sa kanilang rekomendasyon na usigin ang mga operator ng ilegal na online sabungan.

Ibinato ni Mallare ang mga tanong na parehong batayan na iniharap nila sa lokal na hukom na naglabas ng search warrant.

Sa pahayag ni Mallare, ang nadakip na pitong technical people ay hindi kawani ng PCC kundi ng Philippine Cockfighting International Incorporated (PCII).

Apela ni Palattao, ginagamit ng PCII ang brand name na PCC sapagkat mas sikat ito kompara sa kanilang online presentation at wala rin umanong permit ang PCII para mag-operate.

Samantala, kasulukyang nakabinbin ang mosyon sa korte ng naturang lalawigan. (MICKA BAUTISTA)