Pictures ni aktres sa socmed fake news?

FACT SHEET
ni Reggee Bonoan

ALIW kami sa tsikang kinailangang mamili ng mga bagong damit ang stylist para sa aktres na may ginagawang pelikula ngayon dahil sobrang luwag sa kanya ang mga dala ng una.

Inakala raw kasi ng stylist na tumaba si aktres base sa mga larawang post nito sa kanyang IG kaya’t laging gulat niya nang makaharap niya ang aktres na malaki ang ibinawas ng timbang.

Noong ipinasukat ang mga damit ay malaki ang kaluwagan nito kahit na tahiin o sikipan ay mahahalata kaya walang choice kundi bumili ng mga damit na gagamitin.

Mabuti na lang daw at may ibang talent sa pelikula na kasya ang mga damit kaya roon na lang ipinasuot.

Sabi tuloy ng stylist, ”dapat talaga ‘wag dumepende sa post nila sa IG, dapat tawagan at kausapin kung iyon talaga ang latest pictures nila. Puro kasi late post ang uso now.”

Sabi namin na baka kasi pinaghandaan naman talaga ang movie kaya nagbawas ng timbang.