Donbelle hinuhulaang magiging number 1 loveteam sa 2022

MA at PA
ni Rommel Placente

KASAMA ang comedian-director na si John ‘Sweet’ Lapus sa pelikulang Love Is Color Blind mula sa Star Cinema na pinagbibidahan ng loveteam nina Donny Pangilinan at Belle Mariano. Gumaganap siya rito bilang tiyahin ni Belle.

Sa virtual media conference ng nasabing pelikula, tinanong si Sweet kung kamusta ang pakikipagtrabaho sa DonBelle.

“Pang-38,000 na itong loveteam na nakatrabaho ko,” simulang sabi ni Sweet na natatawa.

Patuloy niya, ”Ang maganda naman sa DonBelle, just like other loveteams na nakatrabaho ko, they really have a very good future together. Iba ‘yung rapport, iba ‘yung magic. I’m sure ‘yun  ‘yung nakikita ng fans kaya naman may pa-billboard sila all over the world. May kakaibang magic, may chemistry.

“Sinabi ko na nga with a fact na sila ang no.1 loveteam of 2021. I’m pretty sure just like other loveteams na nagkatuluyan, DonBelle will be like Kim-Xi, KathNiel and LizQuen na nagkatuluyan eventually.

“Hindi ako magtataka na ‘yun ang mangyayari sa DonBelle, with their magic, on and off camera.”

Ayon pa kay Sweet, marami siyang behind the scene na nakunan kina Donny at Belle na mapapanood sa kanyang vlog. 

Ang Love is Color Blind ay mapapanood na simula sa December 10 (Friday) via iWant TFC, KTX.ph., Smart GigaPlay, Cignal Pay Per View, SkyCable PPV and TFC.