Notoryus na tulak nadakma sa Mabalacat, Pampanga P.7-M shabu nasamsam

ARESTADO ang isang pinaniniwalaang notoryus na tulak ng ilegal na droga, nakompiskahan ng higit sa P.7-milyong hinihinalang shabu sa isinagawang buy bust operation ng mga awtoridad sa lungsod ng Mabalacat, lalawigan ng Pampanga, nitong Sabado, 4 Disyembre.

Ayon kay PRO3 Regional Director P/BGen. Matthew Baccay, nagkasa ng buy bust operation ang mga operatiba ng Regional at Provincial Drug Enforcement Units katu­wang ang Mabalacat CPS sa Sitio Caldera, Madapdap Resettlement, Brgy. Dapdap, sa nabanggit na lungsod na nagresulta sa pagkakadakip sa suspek na kinilalang si Alexis Morete, alyas Alex, 43 anyos, resi­dente sa nasabing lugar.

Narekober sa opera­syon ang siyam na pirasong selyadong plastic sachets na naglalaman ng hinihi­nalang shabu na may timbang na 105 gramo at DDB street value na P714,000; isang unit ng Samsung cell phone; isang itim na pouch; isang pira­song P1,000 bill na marked money; at pitong pirasong P1,000 boodle money.

Nahahaharap ang sus­pek sa kasong paglabag sa Section 5 at 11, Article II ng RA 9165 o Comprehensive Dangerous Drugs Act of 2002, na inihahandang isampa sa korte.

(MICKA BAUTISTA)