Dina hinimok ang publiko na magpabakuna

RATED R
ni Rommel Gonzales

MAY mensahe si Dina Bonnevie sa  mga taong hanggang ngayon ay natatakot magpabakuna.

“Sa akin, ang masasabi ko, COVID is real,” umpisang bulalas ni Dina. ”Hindi enough na magpa-vaccinate ka, ‘yung maging fully vaccinated ka, kasi you can still get contaminated. 

“’Yun lang nga ‘pag nagkasakit ka hindi malala.

“Pero hihintayin mo pa ba ‘yun? Kung halimbawa natatakot ka para sa sarili mo, paano naman ‘yung kapwa mo? 

“Paano naman ‘yung ibang members ng family mo na baka mahawahan mo dahil lang sa paniniwalang… you know, just recently, we lost my cousin-in-law, namatay siya kasi he didn’t believe in vaccination.

“And ‘yun lang,  ayaw niyang magpa-vaccinate, hindi siya naniniwala, so namatay siya, pero nahawahan niya rin ‘yung dalawa niyang anak.

“So sad, ‘di ba? Parang, sayang naman, nasayang lang ‘yung buhay mo, namatay ka dahil lang ayaw mong maniwala sa vaccination?

“For me COVID is real, take it from me. It’s real.

“Pa-vaccinate ka na!”

Matapos ang season break noong August 27 ay muling umeere sa GMA ang The World Between Us bago ang To Have And To Hold sa GMA Telebabad block.

Bukod kina Dina at Jasmine Curtis  tampok din sa The World Between Us sina Alden Richards at Tom Rodriguez at si Ms. Jaclyn Jose. Sa direksiyon ni Dominic Zapata.