HATAW! D'yaryo ng Bayan hatawtabloid.com
NASUKOL ng mga awtoridad ang isang lalaking nakatala bilang most wanted person (MWP) sa lalawigan ng Tarlac nitong Miyerkoles ng umaga, 24 Nobyembyre, sa bayan ng Magalang, lalawigan ng Pampanga.
Batay sa ulat ni P/Col. Erwin Sanque, acting provincial director ng Tarlac PPO, dakong 10:00 am kamalawa, nang maglatag ang operating troops ng Tarlac CPS ng manhunt operation sa Brgy. San Pablo, sa nabanggit na bayan na nagresulta sa pagkaaresto sa suspek na kinilalang si Romnick Basco, 22 anyos.
Nabatid na si Basco ay may kabit-kabit na warrants of arrest para sa dalawang bilang na kasong Rape; Rape by Sexual Assault at paglabag sa R.A. 7610 (Anti-Child Abuse Law), lahat ay inilabas ni Presiding Judge Joeferson Toribio, ng Tarlac City Family Court Branch 11 na may petsang 9 Nobyembre 2021. (MICKA BAUTISTA)
