Maricel bilib kina Enchong, Maine, Daniel; gustong makatrabaho

MA at PA
ni Rommel Placente

SA latest vlog ni Maricel Soriano,  binanggit niya ang tatlong artista na gusto niyang makatrabaho, na hindi pa niya nakakasama sa pelikula o telebisyon. At ang mga ito ay sina Enchong Dee, Maine Mendoza, at Daniel Padilla.

Sabi ni Maricel tungkol kay Enchong, ”Sinabi ko ito sa kanya, nagkita kasi kami. Sabi ko,’do you know that I watch you? And everytime you cry, you break my heart’. Sabi ko, ‘bata, ang galing mo huh! I want to work with you.’ Everytime, he’s not crying, masasakit na salita (na natatanggap ni Enchong sa mga serye). pinipigil niya  ‘yung iyak niya. Wala! Dugong-durog ang puso ni Inay Mary.”

Sabi naman niya tungkol kay Maine, ”Kasi ang galing niya roon sa mga ginagaya niya. So, imagine-in mo, na nagsasalita ako at nangangaral, nandito siya sa likod ko at sinasabi niya ‘yung sinasabi ko na walang boses. Maganda, ‘di ba? Can you imagine ‘yung monologue ko, alam niya? Tapos hindi siya nagsasalita, cute ‘yun.”

At kung bakit gusto niya ring maka-work si Daniel, ang sabi ng Diamond Star, ”’Yung dating niya sa akin, ‘pag tinititigan ko siya,’Tita Maricel!’ Kasi buo ‘yung pangalan ko. ‘Tita Maricel! Ano Tita Maricel?’  Uulitin niya, iniinis niya ako. Pero noong napanood ko siya sa mga telesrye niya, ang laman! Ibang klase no! Hayop sa hugot.”

O ‘di ba,bongga sina Enchong, Maine, at Daniel dahil gusto silang makatrabaho ng award-winning actress!