HATAW! D'yaryo ng Bayan hatawtabloid.com
MA at PA
ni Rommel Placente
SA online show nilang Take It Per Minute, sinabi ni Cristy Fermin na si Albie Casino sana ang nasa katayuan ngayon ni Daniel Padilla na sikat na sikat. Na siya dapat ang naging ka-loveteam ni Kathryn Bernardo.
Hindi lang ‘yun nangyari dahil sa balita noon na si Albie ang ama ng ipinagbubuntis ni Andi Eigenmann. Na later on, ay lumabas din ang katotohanan na si Jake Ejercito ang tunay na ama ng panganay ni Andi na si Ellie.
Sabi ni Cristy, “’Di ba si Albie Casiño dapat ‘yung mabibigyan ng napakalaking role sa isang pelikula nila ni Kathryn Bernardo? Pero noong sumabog nga itong isyu ay nagpa-audition nga ulit itong Star Cinema ng ibang artista na pwedeng gumanap sa kanyang role.
“At napakasuwerte naman po talaga nitong si Daniel Padilla. Roon ay naglaro ang kapalaran. Maaaring hindi talaga para kay Albie Casiño itong katanyagan na ito kasi hindi natuloy, may humarang.”
Sabi pa ni Tita Cristy na naiintindihan niya si Albie kung nakapagsasalita pa rin ito nang hindi maganda laban kay Andi.
“Kung ako ang nasa katayuan ni Albie, talagang masakit. Imagine-in mo ‘yung ganda niyong oportunidad na lumipad dahil lumabas ‘yung isyu ng pagdadalangtao ni Andi na siya ang ama.
“Sino namang produksiyon ang kukuha sa isang aktor na pinagbibintangang ama ng isa ring anak ng artista? Natural papalitan siya. ‘Yun ‘yung napakalaking oportunidad na lumipad,” dagdag pa ng beteranang manunulat.
O ‘di ba, nakahanap ng kakampi si Albie sa katauhan ni Tita Cristy.
