HATAW! D'yaryo ng Bayan hatawtabloid.com
ALAM MO NA!
ni Nonie Nicasio
ANG award-winning actor na si Richard Quan ay isa sa hindi nawawalan ng proyekto, sa TV man o pelikula, kahit panahon pa rin ng pandemic.
Bahagi si Richardng Huwag Kang Mangamba na pinagbibidahan nina Andrea Brillantes, Francine Diaz, Seth Fedelin, Sylvia Sanchez, Mylene Dizon, Andrea del Rosario, at marami pang iba.
Nalaman din namin na magkakaroon ng Book-2 ang serye nilang He’s into Her na tinampukan nina Donny Pangilinan and Belle Mariano.
Abala ngayon si Richard sa paghahanda sa pinaka-aabangan at tinatayang pinakamalaking TV series na Darna, na tinatampukan ni Jane de Leon. Gaganap siya rito bilang si Rex Vanguardia, na mula sa planetang Marte.
Inusisa namin ang veteran actor sa ginagawang paghahanda sa naturang serye?
Tugon niya, “Sa ngayon keeping fit and ready sa mga possible action and fight scenes.”
Ano ang masasabi niya sa bida sa Darna na si Jane?
“First time kong na-meet si Jane noong story conference nito. I know she is also excited and pressured at the same time… it’s a big responsibility, kailangan niya ng support from us na mga co- actors nya, which all of us, I’m sure, are aware and willing to give,” esplika ni Richard.
Bagay ba siyang maging Darna? “Yes, bagay na maging Darna si Jane,’ matipid na wika pa ng aktor.
Incidentally, ang pelikulang aabangan kay Richard na nakatakda niyang gawin o kasalukuyang tinatapos na ay ang Julio ni Direk Hubert Tibi. Ito ay hinggil sa journey ni Julio sa panahon ng pandemic, kung ano ang reflection ng mga Pinoy sa panahon ng pandemya. Plus, isa pang indie film mula kay Direk Nestor Malgapo naman.
