HATAW! D'yaryo ng Bayan hatawtabloid.com
BULABUGIN
ni Jerry Yap
KAILAN lang ay nabalitaan ko ang pagtanggap ng nominasyon ng makata at manunulat na si Jerry B. Gracio bilang nominadong kinatawan ng Kapamilya Party-list.
Hindi pa kami personal na nagkakakilala ni tokayo, pero marami na akong kuwentong narinig tungkol sa kanya. Hindi lang siya simpleng makata at manunulat kundi premyadong alagad ng sining sa literatura.
Sa kanyang paskil sa social media ganito ang kanyang pahayag:
“Noong Oktubre 3, nagpaalam ako sa network na naging tahanan ko sa loob ng matagal ding panahon para tanggapin ang nominasyon ng KAPAMILYA Party-list para sa Kongreso.
Hindi ko alam kung mananalo ang party-list na ito, ni hindi ko alam kung may babalikan pa akong trabaho. Pero, inisip ko: lagi na lang ba tayong mag-aalala para sa bukas nang hindi kumikilos para baguhin ang kinabukasan?
Sama-sama tayo sa laban para sa bansa ng ating mga pangarap, Kapamilya!”
Naniniwala ako, si Jerry Gracio ay higit na karapat-dapat para maging kinatawan ng mga mamamahayag at media workers sa Kongreso.
Suportahan po natin ang KAPAMILYA Party-list!
Para sa mga reaksiyon, suhestiyon, reklamo at sumbong, magtext sa 0977.705.22.31 o mag-email sa [email protected]. Para sa mga nakaraang isyu ng BULABUGIN please visit https://hatawtabloid.com
