Saturday , October 23 2021
Jerry Gracio, Liza Diño
Jerry Gracio, Liza Diño

Gracio kay Chair Liza — ‘Di namin kailangan ang Film Industry Month, kailangan naming ang maayos na pandemic response at ayuda

FACT SHEET
ni Reggee Bonoan

Gracio kay Chair Liza — ‘Di namin kailangan ang Film Industry Month, kailangan naming ang maayos na pandemic response at ayuda

MAY panawagan ang premyadong manunulat na si Jerry B. Gracio kay Film Development Council of the Philippines Chairperson Liza Dino tungkol sa mga kasamahang walang trabaho sa industriya.

Ang FDCP, bilang nangungunang ahensiya na ipagdiriwang ang Philippine Film Industry Month ay mayroong mga nakapilang kaganapan at programa para sa pambungad ng selebrasyon na may temang Ngayon ang Bagong SineMula!

Dahil sa COVID-19 pandemic, ang pag-obserba ng Philippine Film Industry Month 2021 ay gaganapin ng online sa social media pages ng FDCP para sa Opening at Closing events. Ang screenings naman ay eksklusibong idaraos sa FDCP Channel virtual platform (fdcpchannel.ph). 

Ang Opening ng Philippine Film Industry Month ngayong araw, Setyembre 1 ay maipalalabas ng live sa Facebook pages at YouTube channel, na magtatampok ng paglunsad ng Nood Tayo ng Sine Campaign kasama ang important announcements mula sa International Film Industry Conference (IFIC), First Cut Lab Philippines (FCL PH), FDCP FilmPhilippines Incentives Program, at Mit Out Sound: International Silent Film Lab.

Ang flagship program ng FDCP, ang ikalimang Pista ng Pelikulang Pilipino (PPP) ay nagbabalik sa FDCP Channel kasama ang first leg nito, tampok din ang free screenings mula sa Sine Kabataan Short Film Competition at Sine Isla: LuzViMinda Short Film Competition mula Setyembre 17 hanggang 26.

Ipalalabas din ng libre sa FDCP Channel ang walong heritage films na restored o enhanced ng FDCP Philippine Film Archive kabilang dito ang  Insiang ni National Artist Lino Brocka at Manila by Night ni National Artist Ishmael Bernal sa buong buwan ng Setyembre, at ang mga pelikula sa espesyal na Elwood Perez Retrospective mula Setyembre 25 hanggang 30. 

Ini-repost ni Jerry ang nasulat tungkol sa Philippine Film Industry month sa kanyang Twitter account.

Aniya, ”Ate, walang trabaho mga kasama natin sa industriya, andaming mga taga-pelikula ang namamatay sa sakit at gutom. Hindi namin kailangan ang Film Industry Month. Kailangan namin ng maayos na pandemic response at ayuda.”

Wala pang sagot si Chair Liza tungkol dito hanggang sa matapos namin itong sulatin. 

Bukas po ang HATAW sa panig ni FDCP Chair Liza.

About Reggee Bonoan

Check Also

Cindy Miranda, Sunshine Guimary, House tour

Sunshine Guimary at Cindy Miranda, nagpatalbugan sa House Tour?

ALAM MO NA!ni Nonie Nicasio KAPWA umaapaw sa hotness at palaban sa hubaran sina Sunshine …

Joel Lamangan, Allen Dizon

Allen Dizon, gaganap bilang isang napakasamang pulis sa pelikulang Walker

ALAM MO NA!ni Nonie Nicasio SINIMULAN na kahapon, Oct. 21 ang shooting ng pelikulang Walker …

Hipon Girl nagpabaha ng luha sa MPK

TOTOHANAN ang naging pag-iyak ni Herlene “Hipon Girl” Budol sa ilang eksena niya sa brand …

Kim sobrang nalungkot sa pagyao ng manager

NAGLULUKSA ngayon si Kim Rodriguez sa pagyao ng kanyang manager at tumatayong pangalawang ina, si …

Joey binanatan ang mga nagkakalat ng fakenews: Si Tito ang iboboto ko!

ALIW talaga magbasa sa mga opinyon ng Poet Niyo na si Joey de Leon. Ang …

Leave a Reply