Pilot ng Las Hermanas trending

Rated R
ni Rommel Gonzales

PINAG-UUSAPAN online ang pilot episode ng pinakabagong drama ng GMA na Las Hermanas.

Sa unang episode nito ay nakita ng mga manonood kung paano pinatay ang ama ng magkakapatid na Dorothy (Yasmien Kurdi), Minnie (Thea Tolentino), at Scarlet (Faith Da Silva) na si Fernando (Leandro Baldemor).

Dahil sa mga pasabog na eksenang ito, trending sa ikaapat na puwesto ang official hashtag ng show na #LasHermanasWorldPremiere.

Komento ng ilang netizens, talagang aabangan nila araw-araw ang serye dahil bukod sa magandang istorya, magagaling ang mga aktor.

Tweet ng isa, “Bukod sa magandang kwento ng Las Hermanas napaka gaganda ng mga bida walang tapon CHAMPION!!!”

Mapapanood ang Las Hermanas, Lunes hanggang Biyernes, sa GMA Afternoon Prime pagkatapos ng Eat Bulaga.