Sunday , August 7 2022
Taytay Rizal

Taytay LGU wagi sa pandemic response

DINAIG ng Garments Capital of the Philippines ang 1,497 munisipalidad sa pagpapatupad ng pandemic response, batay sa resultang inilabas ng Department of Interior and Local Government (DILG).

Sa pinag-isang kalatas na inilabas ng DILG, Department of Information and Communications Technology (DICT), at National ICT Confederation of the Philippines (NICP), iginawad sa nasabing munisipalidad ang parangal bilang “Best on CoVid-19 Pandemic Response” batay sa inilatag na panuntunan kaugnay ng mga programang isinagawa sa gitna ng national health emergency.

Kinilala ang Taytay sa epektibong paggamit ng digital applications na nagbigay daan para mabilis na matukoy ng pamahalaang lokal ang mga bagong kaso ng mga positibo at agarang pagbibigay lunas.

Sinuri rin ng nasabing mga ahensiya ang lawak ng naabot ng programang libreng bakuna kontra CoVid-19 gamit ang Taytay Trail app at Vax app.

Sa isang Facebook post, pinasalamatan ni Taytay Mayor Joric Gacula ang DILG, DICT at NICP para sa pagkilala sa kanilang pagsisikap na tumugon sa mga panahong higit na kailangan ang gawa kaysa dada.

“Maraming Salamat DILG, DICT at NICP sa iginawad na parangal sa aming bayan. Gagamitin namin itong inspirasyon para lalo pang pagbutihin ang mandatong ipinagkatiwala ng aming mga nasasakupan,” ani Gacula sa kanyang FB post.

Samantala, nahagip din ng Taytay LGU ang ikalawang puwesto sa kategorya ng “Business Empowerment” kaugnay ng Taytay Market Collection System.

“Congratulations po sa lahat ng ng Taytayeño na tumulong, naniwala at sumuporta  para makuha natin ang karangalan na ito.” (EDWIN MORENO)

About Ed Moreno

Check Also

080522 Hataw Frontpage

Sa GenSan
6 PATAY, 7 SUGATAN SA KARAMBOLA NG 3 SASAKYAN 

ANIM katao ang namatay habang pito ang sugatan sa naganap na banggaan ng tatlong sasakyan …

Kelot tumalon sa NAIA duguan pero nabuhay

Kelot tumalon sa NAIA duguan pero nabuhay

GRABENG napinsala pero nakaligtas sa kamatayan ang isang 26-anyos lalaki nang tangkaing magpakamatay sa pamamagitan …

Alcatraz Prison

Mala-Alcatraz na kulungan, itatayo para sa heinous crime convicts

MAGTATAYO ng mala-Alcatraz na pasilidad para sa bilanggong nahatulan sa heinous crimes, gaya ng murder, …

shabu drug arrest

3 bigtime tulak nalambat sa Pampanga

NAPIGIL ng pulisya sa lalawigan ng Pampanga ang pagkalat ng milyong pisong halaga ng ilegal …

Bulacan Police PNP

Alyas Waway timbog sa pagtutulak ng shabu 14 kalaboso sa Bulacan

NAHULOG sa mga kamay ng batas ang isang matinik na tulak sa isinagawang operasyon ng …