HATAW! D'yaryo ng Bayan hatawtabloid.com
FACT SHEET
ni Reggee Bonoan
MAY kasabihan, ‘action speaks louder than voice’ pero base sa viral photos nina Piolo Pascual at Shaina Magdayao na kasama sina Jodi Sta. Maria at Raymart Santiago na nasa isang resort sila sa Bohol ay puwedeng sabihing may ugnayan na ang dalawa.
Alangan namang chaperon nina Raymart at Jodi sina Piolo at Shaina sa resort? For sure may ‘something’ din ang dalawa na matagal na rin naman nilang sinasabing exclusively dating sila.
Hindi maikakaila ang mga larawan nina Papa P at Shaina na ‘sila’ na talaga dahil may kuhang naka-upo ang una at yakap niya ang dalaga na nakasandal sa kanya, bukod pa sa nasa yate sila at tila natutulog ang aktor sa kandungan ng aktres habang nakahilig naman sa dibdib nito.
Naalala tuloy namin ang sagot ng common friend namin ni Papa P noong tinanong namin kung sino ang girlfriend nito ngayon dahil mukhang mayroon.
Ang mabilis na sagot sa amin, ”’di ba si Shaina? Hindi pa ba sila umaamin? Matagal na silang dating ‘di ba? Alam ko sila na.”
Hindi namin ito isinulat kasi mahirap ng walang pruweba, but since may mga larawang naglabasan na sa social media, eh, ano pa ba ang ibig sabihin niyon?
Kailan nga kaya aamin sina Piolo at Shaina sa kanilang relasyon? In fairness, perfect combination sila dahil parehong negosyante, parehong established na sa kanilang respective careers at parehong walang sabit at parehong maayos ang pamilya.
Kaya Piolo at Shaina, huwag n’yo nang pakawalan ang isa’t isa ‘no!
