HATAW! D'yaryo ng Bayan hatawtabloid.com
MA at PA
ni Rommel Placente
SA guesting ni Rabiya Mateo sa The Boobay and Tekla Show, tinanong siya kung ano ang pinakamasakit na comment o kritisismo na natanggap niya sa social media noong lumaban siya sa Miss Universe Philippines 2020.
Sagot ni Rabiya,“Sa sobrang dami, wala akong maisip, pero kasi part talaga iyon, eh.
“Alam niyo ho ba, noong nanalo ako ng Miss Universe Philippines… kasi, ‘di ba, dark horse ako noon? Wala akong kapanga-pangalan, galing sa probinsiya.
“Siguro ‘yung narinig kong isyu is, ‘Ah, kabit iyan kaya nanalo ‘yan.’
“That was nasty. Isa akong babae, kung saan lahat ng mayroon ako, pinaghihirapan ko.”
Sa natanggap na negative comment, ay sinabi niya ‘yun sa kanyang ina.
“’Yung first ko talagang ginawa is kinausap ko ‘yung mama ko.
“Kasi, for example, mayroon tayong nakikitang masasakit na comments, kung ako masasaktan, times ten iyon sa nanay ko.
“Siya talaga ang sinabihan ko na, ‘Ma, tatagan mo ‘yung loob mo, kasi ‘yung pinasok ko, public property na ako. Wala na tayong say kung anumang gagawing isyu ng mga tao. Ang importante is that alam naman natin na mabuti tayo kahit walang nakatingin sa atin.’” sabi pa ni Rabiya.
