HATAW! D'yaryo ng Bayan hatawtabloid.com
ISANG biker ang namatay nang magulungan ang kanyang ulo ng 10-wheeler truck matapos matumba habang nagbi-bike sa bayan ng San Mateo, lalawigan ng Rizal, nitong Martes, 21 Setyembre.
Kinilala ang biktimang si Hermiñano Cargullo, nasa hustong gulang, habang kusang loob na sumuko sa mga awtoridad ang driver ng truck na si Jobert Cortes.
Sa naantalang ulat ng pulisya, dakong 9:30 am, kamakalawa, nang matumba ang biktima habang nagba-bike sa Brgy. Maly, sa nabanggit na bayan.
Sa pahayag ng driver, hindi niya umano nakita ang biktima sa kanang bahagi kaya nagulungan sa ulo ng minamaneho niyang 10-wheeler truck.
Dahil sa nangyari, pisak ang ulo ng biktima na naging dahilan ng kanyang agarang pagkamatay.
Agad na sumuko si Cortes na ngayon ay nakapiit sa detention cell ng pulisya. (EDWIN MORENO)
