HATAW! D'yaryo ng Bayan hatawtabloid.com
HARD TALK!
ni Pilar Mateo
BOMBSHELLS at internet sensation ang mga leading ladies na napisil para maging kapareha ni Andrew E. sa Shoot Shoot na matutunghayan sa Vivamax simula sa Oktubre 8, 2021.
Hindi naman takot o nababahala ang sinuman kina AJ Raval at Sunshine Guimary kung ma-typecast sila sa roles na katawan at itsura nila ang puhunan.
Sa bawat proyektong ipinagkakatiwala sa kanya handa na sila sa sasabihin ng mga manonood sa kanila.
Kaya naman, pagdating sa bashers at sa mga komento at opinyon ng iba, natutunan na nila ang huwag na lang pansinin ito.
Kaya mapa-bed scene, kissing scenes, lambuchingan sa kanilang leading man, sunod lang sila sa ipagawa ng direktor nila.
Ngayon pa nga lang, binabantayan na kung sino ang uungos sa kanila sa mundo ng kaseksihan.
Gaano katibay nga ba sila sa haharapin nila sa kinabukasan?
Gamay na nila ang trabaho under locked-in setting o sa bubble ng bilang araw. Nasanay na sa requirement sa health protocols. Kaya ibayong pag-iingat sa mga sarili nila ang bitbit nina AJ at Sunshine sa kanilang mga shoot-shoot sa kanilang mga proyekto.
Tingin niyo, sino ang hahataw nang husto sa kanila?
