Tonton hinikayat magpabakuna ang publiko  

Rated R
ni Rommel Gonzales

HINDI problema kay Tonton Gutierrez kung lock-in o hindi ang taping. Ang mahalaga sa kanya, may mga trabaho sila.

Sa isang panayam, natanong si Tonton kung ok ba sa kanya ang lock-in taping.

“It all really depends on the production, ‘no?

“Kami naman very flexible. Kung kailangan talagang ituloy ‘yung ganoon na may lock-in, payag naman din kami.

“Kung hindi rin naman, kung wala na, back to ‘yung dating gawi na after taping uwian ok lang din naman kami.

“So we’re very flexible, walang problema.”

Sinabi pa ni Tonton na bakunadao na sila ni Glydel Mercado laban sa COVID-19.

“We are fully vaccinated, kaming dalawa ni Glydel at ‘yung panganay naming anak na si Aneeza. Pfizer ang aming vaccine.”

Ano ang mensahe nila sa mga taong ayaw magpabakuna? 

“Alam n’yo, kanya-kanyang opinyon ‘yan, eh! Kasi maraming tao ang natatakot sa bakuna.

“Na baka masama ang epekto, ganyan. Sa akin lang naman, ang iniisip ko eh kung may masamang epekto ang bakuna, kung kunwari ang iniisip nila eh nakamamatay eh ‘di sana marami ng namatay, kasama na kami,” at natawa si Tonton. 

“No, but seriously, importante ‘yung bakuna, it will save your life, your family’s lives.

“Huwag ng matakot, magpabakuna na para sa ikabubuti ng sarili mo at ng lahat,” sambit pa sa ni Tonton nang nakausap namin sa telepono ilang araw ang nakakaraan.