HATAW! D'yaryo ng Bayan hatawtabloid.com
SHOWBIZ KONEK
ni Maricris Valdez Nicasio
ISANG masaya at naiibang collab sa YouTube ang inilunsad kamakailan ng Ginebra San Miguel at ni Luis Manzano, ito ang G-Mix Nation, ang pinakaunang online mixology series ng GSM na layuning magturo sa mga manonood ng bartending o paggawa ng cocktails o mixed drinks kahit sa kanilang mga tahanan at para mas lalong maiangat ang pagtingin sa art ng cocktail mixing.
Hindi na bago kay Luis ang bartending dahil ito ay nagtapos ng Hotel and Restaurant Management sa College of St. Benilde. “There’s magical about being a bartender. When you’re out with friends and someone’s mixing a drink, you can’t help but look. Ibinalik ako ng G Mix Nation sa mga panahon ng bartending class ko noong ako ay estudyante sa kolehiyo,” ani Luis.
Nang mag-umpisa ang COVID-19 pandemic noong isang taon, maraming mga Filipino ang nag-umpisa ng mga bagong libangan tulad ng pagluluto, baking, at pagiging plantito at plantita. Para kay Luis, ang cocktail mixing ang isa pang libangang pwedeng gawin ng mga Pinoy lalo na ang gin na paboritong inumin.
“Ako na ang nagsasabi sa inyo na mae-enjoy niyo ang panonood ng G-Mix Nation. Noong bago mag-pandemic, madalas umoorder lang tayo pero hindi natin napapansin ang hirap at ang talento ng bartender sa paggawa ng cocktails. G-Mix Nation is one big learning experience where you get to appreciate the art of cocktail making and learn a new skill,” sambit pa ni Luis.
Kasama ni Luis sa G-Mix Nation online mixology series sa YouTube ang ilan sa mga sikat na online influencers pati na rin ang ilan sa mga sikat na celebrities tulad ng aktres at GSM Blue brand ambassador na si Sue Ramirez at ang dating Barangay Ginebra San Miguel player, Jayjay Helterbrand.
Ngayong nauuso ang “home bar” lalo na at limitado pa rin ang dine-in, naglabas din ang Ginebra San Miguel ng G-Mix Nation Home Bar Kit, ang ultimate survival e-numan kit na may kasamang cocktail shaker, stirrer, jigger, cocktail recipes, at tig-iisang bote ng Kuwatro Kantos, GSM Blue Light Gin, at GSM Premium Gin. Ang G-Mix Nation Home Bar Kit ay mabibili sa mga piling supermarkets nationwide at sa online store na LazMart.
I-like at mag-subscribe sa G-Mix Nation YouTube channel para mapanood ang pinakabagong episodes tuwing Biyernes. https://www.youtube.com/channel/UC4qXo8DFx90sZ0p872f09DQ
