Sunday , May 11 2025
ECQ Diary Bawal Lumabas
ECQ Diary Bawal Lumabas

ECQ Diary, bahagi ng 17th Cinemalaya Indie Nation Full Feature category

ALAM MO NA!
ni Nonie Nicasio

KABILANG ang pelikulang “ECQ Diary (Bawal Lumabas)” sa 17th Cinemalaya Indie Nation Full Feature category.

Tampok dito ang mga premyadong veteran actress na sina Ms. Elizabeth Oropesa at Ms. Daria Ramirez. Mula sa pamamahala ni Direk Arlyn Dela Cruz-Bernal, kasama rin sa napapanahong pelikula si Unica Yzabel.

Ang pelikula ay tungkol sa pandemya at natapos sa panahon ng pandemya.

Ang ECQ Diary ay iprinodyus ng multi-awarded actress na si Ms. Elizabeth. “Not everyone was able to make a movie about the pandemic during the pandemic, so in a way, this is historic,” sambit niya.

Mismong si La Oropesa ang pumili kay Daria para maging co-star niya rito. Si Oropesa ay gumaganap bilang si Susan, samantalang si Ramirez ang nagbigay buhay sa papel ni Amalia.

“Wala kaming ibang ikinonsidera sa role ni Amalia maliban kay Dang (Daria). Buo ang tiwala namin sa kanya at higit sa lahat, kaibigan ko siya. Gusto ko siyang makasama sa proyektong ito,” esplika ni Ms. Elizabeth.

Ipinahayag ni Oropesa or La Oro as she is known in the industry, na mas naging malaking responsibilidad niya ang pagiging producer ng naturang pelikula, kaysa bilang artista nito.

“You take care of your fellow actors, the staff and the crew. You make sure they have food, proper accommodation, among other things,” lahad niya.

“The director is like a daughter to me. So that part was easy, we help each other,” sambit pa ni Ms. Elizabeth ukol kay direk Arlyn na isang veteran journalist and filmmaker at siya rin ang sumulat ng pelikula.

Ayon kay Direk Arlyn, parang magulang na ang turing niya kay Ms. Elizabeth. “She is like a real mother to me who checks on me regularly. She supports my every move especially on filmmaking.”

Ang principal photography ng ECQ Diary ay ginawa noong October 2020 at sa Olongapo City kinunan ang kabuuan nito. “When we made this movie, it was at the height of the pandemic. We had to comply with all the protocols. We were all together in one place. By God’s grace, no one contracted Covid-19,” pagbabalik tanaw ni Elizabeth.

Coincidentally, ang 17th Cinemalaya ay kasabay ng Enhanced Community Quarantine o ECQ na muling ipatutupad sa Metro Manila. Ang 17th Cinemalaya ay magaganap mula August 6 to September 5, 2021.

“The movie tackles a reality that we all face at the time of the pandemic. As an artist, I am proud to be able to produce a movie about the pandemic for future generations to see,” saad ni La Oro.

Ipinahayag ni Direk Arlyn ang kagalakan sa pagkakataong ibinigay sa kanya na mapasali ang pelikula nila sa Cinemalaya.

Aniya, “Subok lang kaya ako nag-submit, pero ang saya ng pakiramdam nang makatanggap kami ng email confirming our selection for 2021 Cinemalaya.”

Pahabol ni Direk Arlyn, “Iba kapag may gawa ka na kasama sa Cinemalaya. Masaya si Mommy Oro at ang buong produksiyon.”

About hataw tabloid

Check Also

Bagong Pag-asa sa Bagong Balayan, dinagsa!
Miting de Avance Dinagsa

EMOSYONAL na nagtapos ang miting de avance ng Team Bagong Balayan sa pangunguna ni mayoralty …

Anti Kid Peña

Paulit-ulit na Paglabag  
Campaign posters ni Kid Peña, natagpuan sa loob ng Makati barangay hall

MATAPOS mahuling may campaign materials din ang running mate na si si Luis Campos sa …

Benhur Abalos

Abalos, gustong palawakin gamit ng Special Education Fund ll

HINIMOK ni dating Interior and Local Government Secretary at senatorial candidate Benhur Abalos ang pamahalaan …

Benhur Abalos

Boots Anson-Rodrigo, film executives inendoso si Benhur Abalos sa Senado

ni ROMMEL GONZALES SA unang pagkakataon ay nag-endoso ng isang political aspirant ang respetadong aktres …

Sam SV Verzosa 2

Tunay na pagbabago sa Maynila sigaw ni SV: Nagpasalamat kina Isko at Honey

MARICRIS VALDEZ “MAYNILA handa na sa tunay na pagbabago Ipapanalo ko kayo! Ito ang mga salitang …

Leave a Reply

Your email address will not be published. Required fields are marked *