HATAW! D'yaryo ng Bayan hatawtabloid.com
PATAY agad ang bumulagtang traffic enforcer na kinilalang si Mario Domingo matapos pagbabarilin ng riding in tandem habang nagmamando ng trapiko sa Brgy. Caypombo, sa bayan ng Sta.Maria, lalawigan ng Bulacan, nitong Huwebes, 29 Hulyo.
Matatandaang nag-trending sa social media si Domingo, na kilala bilang ‘Bangis’ matapos sitahin ang isang Angelito Alcantara na nagmamaneho ng tricycle sa paglabag sa batas-trapiko.
Nakunan ng video si Domingo at Alcantara na nagtatalo sa gilid ng kalsada hanggang posasan niya ang biktima at atakehin sa puso na ikinamatay nito bago nakarating sa ospital.
Inaresto at nakulong si Domingo na kinasuhan ng homicide ngunit makaraan ang ilang araw ay nakalaya dahil sa piyansa at nagmandong muli ng trapik sa naturang barangay. (MICKA OLIVEROS BAUTISTA)
