P50-M bagong gusali ng City College of Angeles pinondohan ng PAGCOR

NAKATAKDANG umpisahan ang kosntruksiyon ng bagong gusali ng City College of Angeles (CCA), may apat na palapag at 20 silid-aralan bilang donasyon ng Philppine Amusement Gaming Corporation (PAGCOR) sa pamahalaang lungsod ng Angeles, sa lalawigan ng Pampanga.

Pinangunahan ni Mayor Carmelo “Pogi” Lazatin, Jr., at PAGCOR Chairperson & CEO Andrea Domingo, kasama sina 3rd District Congressman Carmelo “Jon” Lazatin ll, Vice Mayor Vicenta Vega – Cabigting, mga miyembro ng City Council, at City Engineer Donato Dizon sa isinagawang groundbreaking ceremony nitong Lunes, 28 Hunyo.

Kabilang sa pangunahing programa ni Mayor Lazatin ang impraestruktura at edukasyon.

“Ang edukasyon po ay mahalaga sa aking ama na si Congressman Carmelo “Tarzan” Lazatin at sa lolo kong si Gobernador Rafael Lazatin, dahil naniniwala po kami na ang edukasyon ay ‘greatest balancer.’ Ang edukasyon po ang makapag-aahon sa mahihirap nating kababayan,” pahayag ni Mayor Lazatin sa kanyang talumpati.

Dagdag niya, “We will remain true to our promise that no Angeleño children will be left behind.” (RAUL SUSCANO)