HATAW! D'yaryo ng Bayan hatawtabloid.com
SA Live Chikahan ni Direk Cathy Garcia Molina sa social media account nito ay naging guest ng blockbuster director ang isa sa paborito niyang actor sa ABS-CBN na si Daniel Padilla.
At sa conversations ng dalawa ay para silang mag-ina na nagkukuwento ng buhay-buhay including sa pinagdaraanan nila this pandemic. Say ni Direk Cathy, dapat ay sunod-sunod ang project niya with Star Cinema kaso nagkaroon nga ng CoVid-19 e, ayaw raw niya sa lock-in taping at hindi siya sanay na nakikita at nahahawakan nang personal ang kanyang mga artista kasi nga dapat may physical distancing.
Isa sa dapat na pelikulang ididirek nito ay sina Daniel at Kathryn Bernardo. Tawa nang tawa lang si Daniel sa mga hirit sa kanya ni Direk Cathy na sobra na raw nilang nami-miss ng nobyang si Kathryn.
Naikuwento rin pala ni Direk Cathy na siya at ang buong pamilya niya ay nagkasakit ng CoVid, buti at sa awa raw ng Diyos ay naka-survived silang lahat.
Napag-usapan rin ang tungkol sa virginity sa said live stream ni Direk Cathy, umamin si Daniel na hindi na siya virgin.
Alam na this.
VONGGANG CHIKA!
ni Peter Ledesma
