HATAW! D'yaryo ng Bayan hatawtabloid.com
NGAYONG parehong namamayagpag sa mundo ng YouTube ang sisters na sina Alex at Toni Gonzaga, masaya ang kanilang mga magulang na sina Mommy Pinty at Daddy Carlito “Bonoy” Gonzaga sa success na ito ng kanilang mga daughter na parehong sikat na celebrity.
Sa kanyang Instagram ini-post ni Mommy Pinty ang kanyang pagbati kay Toni para sa over 3 million subscribers sa sariling YouTube channel na Celestine Gonzaga-Soriano at digital show na “Toni Talks.”
Isa kami sa viewers ng show ni Toni and in fairness lahat ng episodes ay matataas ang views like ‘yung collaboration ni Toni kay Ivana Alawi na humamig ng 4.4 million views.
What Alex discovered about Mikee after their wedding ay 5.8-M views, Mommy Pinty Spills the Tea na 2.8 million (and counting) naman ang nanood.
Ilan sa naging bisita ng singer-actress sa toni talks ang celebrity couple doctors na sina Vicki Belo and Hayden Kho, Ma’am Charo Santos, Melai Cantiveros, Baron Geisler, at marami pang iba.
Umabot rin sa 1.6 million views in 2 days time ang interview ni Toni sa komedyanteng si Jobert Austria. Hindi lang sa kanyang YT network patok si Toni, maging sa isa pang digital show na “I Feel You,” produced ng ABS-CBN Star Cinema na nasa season 4 na.
Samantala patuloy ang pagtangkilik ng fans and supporters sa Vlog ni Alex Gonzaga na as of press time ay 10.4 million na ang subscribers ni Alex sa official YouTube channel nito.
Isa rin siya sa most in demand celebrity endorsers at kalat ang naglalakihang billboard sa EDSA para sa ini-endosong Jag jeans.
VONGGANG CHIKA!
ni Peter Ledesma
