HATAW! D'yaryo ng Bayan hatawtabloid.com
KUNG achievements ang pag-uusapan, may mga napatunayan na ang Viva singer-actress and songwriter na si Marion Aunor kabilang ang pagiging grammy member nito.
Yes pang-international ang arrive ni Marion na ang boses ay katipo ng mga sikat na female foreign artists.
Pero lahat ng narating sa kanyang singing career at ngayo’y pinasok na ang acting ay ayaw ipagbayang ni Marion bagkus mas gusto niyang maging mahusay pang singer at actress.
At inspired ang magandang daughter ni Ma’am Maribel Aunor sa movie project niya sa Viva with the only Megastar Sharon Cuneta na Revirginized na naging malapit sa kanya sa set.
Yes kahit one week lang silang nagkasama ni Shawie ay happy si Marion at na-witness niya ang kabaitan at pagiging supportive sa kanila ni mega na una niyang nakatrabaho nang gawan niya ng isang komposisyon.
“Matagal ko na rin pong gustong ma-meet si Ms. Sharon since I wrote her song “Lantern” noong 2018 para sa kanyang Megastar album. So ang saya lang na through this movie pa kami finally nag-meet.”
Dagdag ng multi-awarded artist, “I’m very happy na nabigyan po ako nila Boss Vic (del Rosario) ng ganitong break.”
Samantala, ano naman ang masasabi ni Marion, sa director nila sa Revirginized na si Direk Darryl Yap na first time niyang naka-work sa movie?
“First time po. Pero ginamit niya na rin po iyong songs ko sa Sakristan (2020 Philippine streaming television series) na Delikado, Akala, and Mahal Kita Ngayon, sa OST nito.”
Ano naman ang masasabi ng dalaga kay Direk Darryl at kumustang katrabaho? “I like working with him dahil very out-of-the-box ang ideas niya in terms of the movies and series he directs and writes.
“Noong nag-meet po kami, he really took the time to explain our characters to us pero at the same time, gives us the freedom to portray them how we see fit. Mabait po siya and friendly,” say ni Ms. Aunor.
Bukod sa Revirginized ay bida si Marion sa film na Togs katambal si Gerald Santos at Tibak, na naging nominado ang young singer-actress bilang “New Movie Actress of the Year” sa PMPC Star Awards for Movies.
VONGGANG CHIKA!
ni Peter Ledesma
