Thursday , January 20 2022

SK Fed president pinagbabaril patay (Pinasok sa kuwarto)

HINDI nakaligtas sa kamatayan ang pangulo ng Sangguniang Kabata­an Federation ng bayan ng Lumban, lalawigan ng Laguna, matapos pasukin at pagbabarilin sa kanyang sariling kuwarto nitong Martes ng hapon, 13 Abril.

Sa ulat, dakong 5:30 pm nang makatanggap ng tawag sa cellphone ang estasyon ng pulisya na nagpapabatid na mayroong insidente ng pamamaril na naganap sa Brgy. Maytalang Uno, sa bayan ng Lumban, sa nabanggit na lalawigan.

Kinilala ang biktimang si Renzo “Eseng” Matienzo, 26 anyos, kasalukuyang SK Federation President ng Lumban, residente sa Cosme St., sa naturang bayan.

Nabatid na nasa loob ng kanyang kuwarto si Matienzo nang biglang dumating ang suspek at pinagbabaril nang maraming beses hanggang mamatay ang biktima.

Matapos ang pama­maril, agad tumakas ang suspek patungo sa hindi matukoy na direksiyon.

Narekober mula sa pinangyarihan ng krimen ang 10 basyo ng bala ng kalibre .45 baril.

Ayon kay P/Capt. Jose Marie Peña, hepe ng Lumban police, nagkasa na sila ng hot pursuit operation upan matugis at matukoy ang pagka­kakilanlan ng suspek at kanyang motibo sa likod ng pamamaslang.

Sa kanilang Facebook page, labis na nag­dalam­hati ang mga kabataan at kasamahan sa konseho ni Matienzo.

Nakilala bilang isang masayahin, matulungin at mabait na lider-kabataan si SK Eseng na naging malapit din sa mga lider-kabataan ng Bayan ng Siniloan.

Inihayag ng Pam­ba­yang Pederasyon ng Sangguniang Kabataan ng Siniloan ang taos-pusong pakikiramay sa pamilya, mga kaibigan at malalapit sa buhay ni SK Eseng.

Kasabay nito, mariing kinondena ang pagpaslang kay SK Eseng.

Nananawagan ang Pederasyon ng hustisya para kay SK Eseng sa anila’y karumaldumal na pangyayari at sa lahat ng mga naging biktima ng extrajudicial killings.

Nagpasalamat sila sa pagiging isang mabuting ehemplo ng mga kabataan sa bayan ng Lumban ni Matienzo.

Anila, baunin nawa ni SK Eseng mo ang pagmamahal ng mga kabataan sa bayan ng Siniloan.

(BOY PALATINO)

About Boy Palatino

Check Also

DOH Kalinga Kit

CoVid-19 home care kit suportado ni Bong Go

SUPORTADO ni Senador Christopher Lawrence “Bong” Go, Chairman ng Senate Committee on Health ang hakbangin …

P2.26-B NGP fund gamitin sa trabaho ng mga sinalanta ng bagyong Odette

“ANG bultong pondong P2.26 bilyon para sa reforestation ay dapat mapunta sa mga lugar na …

Presyo ng swab tests pahirap sa mahirap

“ANG presyo ng CoVid-19 swab test ay hindi nakaukit sa bato, at ang mga panuntunan …

Sa maigting na anti-illegal gambling ops
55 SUGAROL NASAKOTE NG QCPD

UMABOT sa 55 katao ang naaresto ng mga awtoridad sa patuloy na anti-illegal gambling operations …

Gun Fire

Bagger binaril

KRITIKAL ang kalagayan sa pagamutan ng isang bagger makaraang barilin ng hindi kilalang suspek habang …

Leave a Reply