Wednesday , May 22 2024

Sa Siniloan
NEGOSYANTENG MISIS PATAY SA 2 HOLDAPER

041724 Hataw Frontpage

ni Roderick Palatino

SINILOAN MPS – Patay ang isang ginang habang ang kaanak na tricycle driver ay sugatan sa naganap na robbery/holdap kamakalawa ng gabi, Lunes, 15 Abril 2024, sa Siniloan, Laguna.

               Sa ulat, nabatid na dakong 6:30 pm kamakalawa nang maganap ang insidente ng pagnanakaw at pamamaril sa Brgy. Mendiola.

Kinilala ang biktimang pinaslang na si Lydia Susondoncillo Baldovino, 65 anyos, negosyante, residente sa nasabing barangay.

Habang si Jay-ar Susondoncillo Platero, 32, residente sa Brgy. Laguio, Siniloan, Laguna ay sugatan pero agad dinala sa malapit na ospital.

Ayon kay P/Maj. Robin Martin Acop ng Siniloan Police, nakatanggap ng ulat ang kanilang himpilan  mula sa isang concerned citizen na may naganap na insidente ng pamamaril sa palengke kaya agad tinungo ng mga tauhan ng pulisya ang lugar.

Lumabas sa inisyal na imbestigasyon, habang ang napaslang na biktimang si Lydia ay sakay ng tricycle na minamaneho ng biktimang si Jay-ar, huminto sa tapat nila ang dalawang hindi kilalang lalaki na nakasuot ng helmet at facemask.

Agad ipinasok ng isa sa mga suspek ang kanyang katawan sa tricycle para hablutin ang bag na sinabing naglalaman ng kulang P200,000 mula sa trike driver na si Jay-ar.

Napigilan ni Jay-ar ang panghahablot kaya binaril ng suspek ang dalawang biktima nang apat na beses gamit ang hindi pa malamang uri ng baril.

Matapos ang pamamaril ay tumakas ang mga suspek patungo sa hindi batid na direksiyon habang dinala ang mga biktima sa Pakil Gen. Cailles Hospital sa Pakil, Laguna para gamutin ngunit idineklarang dead on arrival (DOA) ang lolang si Lydia.

Agad humiling ng SOCO assistance mula sa Laguna Provincial Forensic Unit para sa Technical Crime Processing.

Nagsagawa rin ng dragnet operation ang pulisya habang patuloy ang imbestigasyon para sa ikadarakip ng mga suspek.  

About Boy Palatino

Check Also

Cyberlibel vs health advocate doctor inihain ng Bell-Kenz Pharma sa NBI

Cyberlibel vs health advocate doctor inihain ng Bell-Kenz Pharma sa NBI

SINAMPAHAN ng kasong cyberlibel si public health advocate doctor Anthony Leachon kaugnay ng anila’y akusasyon …

Chiz Escudero Migz Zubirri

Escudero aminadong pasimuno ng kudeta laban kay Migz Zubiri

INAMIN ng bagong halal na Senate President na si Senador Francis Joseph “Chiz” Escudero na …

DOST SETUP MSME marks significant invention in the Abaca Industry

DOST SETUP MSME marks significant invention in the Abaca Industry

TO UPGRADE the technological capabilities and improve the productivity and efficiency of MSMEs in the …

Citywide Clearing Ops inilarga ng Pasay LGU sa ilang barangay para paghahanda vs La Niña

Citywide Clearing Ops inilarga ng Pasay LGU sa ilang barangay para paghahanda vs La Niña

NAGSAGAWA ng Citywide Clearing Operation ang pamahalaang lungsod ng Pasay partikular sa Barangay 55, 53, …

Drug den operator, PDEA regional target, 4 pa, arestado sa Subic

Drug den operator, PDEA regional target, 4 pa, arestado sa Subic

ANIM na katao na pinaghihinalaang sangkot sa illegal na droga kabilang ang isang drug den …