HATAW! D'yaryo ng Bayan hatawtabloid.com
Pinatunayan ni JC Garcia sa kanyang detractors na marami siyang fans and supporters.
Ang pruweba?
Marami ang nanood ng pilot episode ng kanyang first solo TV show na JC Garcia Live sa ATC (Asian Television Content) Best TV 31 na umeere every Friday bandang 9:00 pm sa Amerika, at tuwing Sabado dakong 1:00 pm dito sa Filipinas.
Yes first episode pa lang ng kanyang show ay humamig ng 3,324 views (and counting) si JC kaya mas lalong inspired ang Fil-Am Recording Artist-Dancer na mas pagandahin pa lalo ang kanyang programa.
Isa sa kaabang-abang sa JC Garcia Live ang opening number ni JC na sing and dance siya ng mga old disco hits. Sa second episode ng kanyang show ay naging special guest ni JC ang kaibigang kapwa singer na madalas makasama sa show na si Ms. Anette Velasco, pinsan ng aktor na si Gabby Concepcion.
Touched si JC dahil bumiyahe pa from Los Angeles ang friend niya para makarating sa kanyang show. Bongga ang jamming ng dalawa at ang saya ng chikahan nila sa ere.
Sa nasabing episode ay naglintaya si JC sa kanyang mga detractors na pilit siyang ibinabagsak pero knowing him na multi-talented at world-class ang talent — hindi sila magtatagumpay.
Sabi nga ni JC, kilalang-kilala niya ang mga taong naghahangad na siya ay bumagsak.
Nabanggit rin niya sa kanyang show na hindi talaga maiiwasan ang ‘palakasan system’ lalo na sa showbiz.
Very homey ang beautiful studio ni JC, na naka-set-up sa mismong bahay niya sa San Francisco, California.
VONGGANG CHIKA!
ni Peter Ledesma
