HATAW! D'yaryo ng Bayan hatawtabloid.com
Pagbalik galing Subic para sa shooting ng “Revirginized” na comeback movie ni Sharon Cuneta sa Viva Films na kasama siya, agad raw ikinuwento ni Marion Aunor sa kanyang Mom Maribel ang nangyari sa kanilang shooting.
Hanggang ngayon ay hindi maka-get over ang magandang singer-actress sa magandang experience niya working with our megastar na sobrang bait raw sa kanya at sa buong cast at production.
Hanga rin si Marion sa professionalism ni Sharon na wala raw ka-ere ere sa katawan at very down-to-earth raw.
Yes kinakausap talaga sila ni mega kaya naging feel at home sila during their shooting. Ang wish ni Marion, sana ay hindi ito ang huling project na makatrabaho niya si Sharon kasi sobrang touched siya sa naging gesture nito na ipinagmalaki pa ang kanyang composition na ginawa noong 2018 — ang Lantern na kasama sa Megastar album nito.
Kinanta pa ni Shawie ang ilang lines nito sa harap ni Marion kaharap ang ibang co-actors. Proud din si Marion na makatrabaho sa movie sina Marco Gumabao, Albert Martinez, Rosanna Roces, etc.
Pagdating naman sa kanilang director na si Darryl Yap, sobrang napabilib si Marion sa husay nito at pagiging supportive rin sa kanya na nag-request na siya ang gusto niyang kumanta ng theme song ng Revirginized at excited na siyang i-compose ito.
Bale naka-7 shooting days ang nasabing VAA artist sa film nilang ito at na-enjoy niya ang kanilang lock-in shoot sa Subic. Comedy-drama raw ang tema ng Revirginized.
VONGGANG CHIKA!
ni Peter Ledesma
