HATAW! D'yaryo ng Bayan hatawtabloid.com
NAGSADYA muli sa lalawigan ng Bulacan si Senador Christopher Lawrence “Bong” Go nitong Martes, 23 Pebrero, upang mamahagi ng tulong sa 431 benepisaryo na naapektohan ng bagyong Ulysses noong isang taon sa bayan ng Pulilan.
Nakatanggap ang bawat benepisaryo ng meals, food packs, gamot, bitamina, facemasks, at face shields.
Nakatanggap ang ilan ng computer tablets, sapatos, at mga bisikleta na makatutulong sa kanilang distance learning at transportasyon.
Kasama ng senador sa pamamahagi ng tulong ang mga kinatawan ng DTI, DOH, DSWD at mga opisyal ng nabanggit na munisipalidad.
Ayon sa senador, ang pamahalaan ay laging handang tumulong sa oras ng pangangailangan ng bawat Filipino.
(MICKA BAUTISTA)
