HATAW! D'yaryo ng Bayan hatawtabloid.com
MULTI-TALENTED talaga ang daughter ni Maribel Aunor na si Marion Aunor. Kapag siya’y kumanta puwedeng ikompara sa mga sikat na foreign artist.
Bukod sa kanyang magandang singing voice ay lumalabas lalo ang sexiness ni Marion sa kanyang mga awitin na galing sa puso kaya bagay sa kanya ang tawaging Young Sultry Diva.
Dahil sa nakai-impress na talent at ganda ay hindi lang ang Star Music ang nagtiwala sa kakayahan ni Marion maging ang Viva Artists Agency na may malalaking artista at singer na napapanood sa mga pelikula ng Viva at ABS-CBN ay kinuha ang singer-songwriter.
At hindi naman nabigo ang VAA kay Marion dahil parehong pumatok ang mga ginawang kanta na Akala para sa movie nina Bela Padilla at JC Santos na The Day After Valentine’s at ang Delikado para naman sa Just Stranger nina Anne Curtis at Marco Gumabao na parehong blockbusters.
Matindi ang dating ng Akala ng young diva na over 25 million streams na sa Spotify at may monthly listener (and counting) na 318,345 and majority dito ay millennials.
Yes nang magsabog yata ng talento ang Diyos sa lupa mula sa langit ay nasalo lahat ni Marion na bilang songwriter ay naigawa pala ng kanta ang megastar na si Sharon Cuneta na Lantern at You’re A Liar naman para kay Jaya.
Bukod sa pagkanta ng covers na weekly ay may bagong mapapanood sa kanyang Marion Aunor Official YouTube Channel ay ipino-promote rin niya ang latest single na Mahal Kita Ngayon. Puwede itong mai-download sa digital music stores like Spotify, Apple Music, and Deezer.
Isa sa well-watched na covers ni Marion sa YouTube ang O Lumapit Ka popularized by Ella del Rosario during 80s.
VONGGANG CHIKA!
ni Peter Ledesma
