HATAW! D'yaryo ng Bayan hatawtabloid.com
NGAYONG ‘naligwak’ sa Ombudsman ang pagiging state witness ni Immigration Officer Jeffrey Dale Ignacio masasabi natin na kahit paano ay nakapuntos nang maliwanag ang grupong ‘pastillas.’
Sa desisyong “application denied” sa Ombudsman, malinaw na nabalewala ang lahat nang ikinumpisal ni Ignacio laban sa respondents na kinabibilangan ng mga dating opisyal ng Port Operations Division (POD).
Ciento por ciento, ganoon din ang kasasadlakan kung sakaling hahangarin ni Chiong na maging state witness siya sa korte.
Panigurado na kukuwestiyonin at uupakan ‘yan ng mga abogado ng respondents.
Ang pagkakaroon nila ng direct participation sa modus ang magpapabalewala ng kanilang mga testimonya.
The act of one is the act of all.
Ibig sabihin, ang lahat ng mga kasali ay mananatiling “principal” sa kaso regardless kung ano man ang tindi ng kanilang partisipasyon.
So ‘yung mga style na “laban o bawi” na gustong mangyari ng whistleblowers, ‘e mukhang sa kanila rin nag-backfire.
‘Di na kasi ubra sa panahon ngayon ang magpakabayani lalo kung ikaw o kayo ay nakinabang din.
Tila mas makatotohanan ang “karma!”
Gayonpaman, hindi rin tayo naniniwala na lahat ng 83 kasali sa ‘pastillas’ ay maaabsuwelto.
Some heads will roll, sabi nga.
Sa bawat labanan siguradong may masasawi. Lalo na kung ‘putsuputsu’ ang abogado mo.
Hek! Hek! Hek!
Kaya ‘yung mga nagtitipid at umaasa na maaambunan sila ng suwerte ng mga maaabsuwelto, aba e nagkakamali kayo.
Future ninyo at pangalan ng pamilya ang nakasalalay sa kaso.
Mas mainam na may tagapagtanggol kayo na singtibay ng pader at singtatag ng semento.
Huwag na n’yong tipirin ang mga milyones na kinita ninyo.
Tama ba ako Binsol? Robles?
Kaysa naman ‘maolat’ kayo nang walang kalaban-laban
Gets n’yo!?
Para sa mga reaksiyon, suhestiyon, reklamo at sumbong, magtext sa 0977.705.22.31 o mag-email sa [email protected]. Para sa mga nakaraang isyu ng BULABUGIN please visit https://hatawtabloid.com
BULABUGIN
ni Jerry Yap
